حيدر حيدر
حيدر حيدر
شنهو ضرك لو أفشڰ هامتي
مايوفي حسين لوحز رڰبتي
يالتعاتبني منهلن دمعتي
حسين نعمه وما أعوفن نعمتي
خله دمي يفيض مني بكل كتر
ڰلي وشيسوه بلاحسين العمر
عاهدت ربي أخدمه من الزغر
وابقى من مهدي أخدمه للحشر
لاتلوم الي يطبر هامته
لوتشوفه حسين شم بريته
والله احسلك تعوف ملامته
وذكر المذبوح وأذكر عيلته
شنهو عمري شنهو انه القدمت
من أصب دمي لحبيبي أستكثرت
هذا دمك لودماي الي تكت
ڰلنه لتلوم اليحب وانته لمت
أطبر الهامه وانادي ياعلي
حيدر الكرار هوه أملي
ذنوب عدنه والله بسمه تنجلي
وغير أبو الحسنين ماعدنه ولي
لفاطمه الزهره أجدد هالطبر
وأذكر الباب وضلعها المنكسر
وأذكر الخد اللذي منها أنسطر
وهالمصايب تسري بيه من جمر
وبالمصاب أذكر انه چبد الحسن
عاش بالوعات والهم والمحن
ومنه أحزان الدهر هم أرتون
والسهام اللي على نعشه أنرمن
والحسين اذكر جبهته ومنحره
وأذكر الجثه وسلبها وخنصره
وأصرخ المضلوم دنيه وأخره
مانسيت وحاشه انسه اللي جره
أشلون أنساه الچفيل ومصرعه
حين طاح وچثته متكطعه
صاح خويه وريت صوتي تسمعه
العذر لله ويهل بمدمعه
للمزيد من مواضيعي
العضو الأكثر نشاطاً هذا اليوم 
قصائد التطبير
العرض العادي
